Մրցույթին կարող են մասնակցել հայկական արտադրանքներ՝ ոգելից խմիչքներ, մեղր, թեյ, հանքային ջուր, չիր, հրուշակեղեն, և այլ ապրանքներ: Հաղթող ընտրված ապրանքանիշերը կպարգևատրվեն «Platinum», «Gold» և «Silver» մրցանակներով՝ տարբեր  անվանակարգերում, որոնք հետագայում  կնշվեն այդ ապրանքների վրա հատուկ մակնշմամբ: Այն կնպաստի Չինաստանում հայկական ապրանքների հանրաճանաչմանը, իրազեկության և վստահության բարձրացմանը չինացի սպառողի շրջանում:
 
Միջոցառումը հնարավորություն կընձեռի հայ գործարարներին գտնել գործընկերներ և հետագայում մուտք գործել չինական շուկա: Ընկերությունները հնարավորություն կունենան ներկայացնել իրենց արտադրանքը միջազգային մակարդակում և բարձրացնել իրենց ապրանքանիշի  դրական հեղինակությունը: Ապրանքի ճանաչումը որպես «Լավագույն ArmeniaBrand» կբարձրացնի արտադրանքի վարկանիշը ոչ միայն Չինաստանում և Հայաստանում, այլև համաշխարհային շուկայում: